Antec

本頁悠二會為大家講解香港最值得買的火牛型號，以及悠二對這幾款型號的評價。 最後更新 2022/09/08 低階火牛: FSP HV PRO Series 550W 80 Plus Bronze (可以配 3060或以下)   中階火牛: FSP Hydro S Series 650W / 750W (可以配3070 Ti或以下) 高階火牛: Thermaltake Toughpower GF1系列(全模,十年保養,金牌,同Corsair RMX一樣設計,同一間CWT代工廠,價錢平過RMX一大段距離) Seasonic Focus GX (好多廠既火牛都係搵佢代工.自己品牌.品質冇問題.不過自己賣得好貴) FSP Hydro G Pro (都係幫人代工既廠自己品牌.出名以穩定性為主.價錢唔夠.推薦) Antec High Current Gamer Gold (即Seasonic...

今次係悠二電腦砌機硬件解說站第五篇機箱走線.好似係 呢排真係比較多發文.其實都係睇我得唔得閒. GX900係一隻唔錯既機箱.罕有既軍事風格機箱.鋼水都非常好.同埋呢隻箱算係同價位最易走既機箱.因為主機板後走線空間極充足.就算你唔用索帶.成堆線扔哂去後面.都可以輕鬆關到背板而唔會d線頂住 咁首先睇下火牛位先啦.同450D一樣.唔好上住火牛螺絲先.留返個位俾hd audio線.廢時之後上完又要拆返粒螺絲. 其實呢種方法.好多隻機箱都會應用到.未來你都會好常見呢種方法 之後底板24Pin線.用索帶索住起呢兩個位 CPU 8Pin由上面去.GX900其實都唔使壓住條線的.因為其實空間極大. USB 3.0線由呢度出黎插.整個U形 HD Audio線由呢度出黎插返,之後你而家可以上返火牛螺絲 USB 2.0線可以圍住一兩個圈.都當係執下d線.由底板出返去插 Jumper線都係圍住再出返去插 機箱風扇d線可以都可以搵返d線圍 到左HDD SSD DVD Writer.三個裝置既排位都可以咁放.咁就可以岩岩好用一條SATA電源線就搞掂.HDD底部仲可以隱藏d線.同埋上面用索帶索住呢sata電源線 前面個把風扇就鬆開條鐵線.同埋前面板風扇控制器都會起而家插埋.條線可以圍住中間先.因為條線好長 之後插完就塞哂起HDD底部 HDD SSD DVD SATA線可以圍下 Display card pci-e冇乜特別.搵條索帶索住就可 最後就咁

今次GX500係悠二電腦硬件砌機解說站第一篇走線分享.可能未必做得好.但悠二我盡量啦.希望各位砌機砌得開心. 另外因為只係分享不同機箱既走線.而唔係砌機教學.所以步驟可能有d大跳躍. GX500雖然唔係而家市場上最新款既機箱.但其實GX500其實算係較為易走線.因為走線孔都開得幾足下.所以對走線唔熟悉既.都可以玩下.另外GX500功能性都幾高.有埋轉速控制器.而且送三把扇.400蚊樓下機箱.都可以諗諗佢 咁首先睇下機箱內部.同埋時間既關係我已經裝左火牛.都可以見到火牛既線已經係起哂下面個洞穿哂過去 之後要走既線係將CPU 8PIN線由機箱後面穿上過黎.呢個洞都係為左呢條線用 裝底板個時.壓住條CPU Pin線就OK 同埋如果底板只係需要4pin線既話.另外一條4pin線最好屈住唔好俾佢伸出黎.因為好易hi到機頂把扇 之後將底板24Pin由最上個個洞走出黎插去底板 機背既話可以用索帶起下面條柱搏住24pin 條CPU Pin都可以用索帶起下面搏住 之後將前面板既USB 3.0 , Jumper線,audio搵出黎.分開 再根據你塊板黎插.一般黎講.usb3.0其實係起右邊24pin下面的.不過呢塊板放下面唯有咁樣先 再去返機背用索帶搏住起呢個位 通常我自己習慣將HDD放起d HDD架下面.一陣會講原因 通常我自己習慣將DVD機放最頂既5.25吋架.同樣一陣會講原因 GX500既話.正面有兩舊白色野.其實係螺絲.但唔好信哂.上實左都係冇乜力的.所以上完呢邊之後.都要去後面再上螺絲. 之後將火牛sata電源線拎出黎.我自己習慣拎最入個個插頭插HDD.咁樣會拎到火牛同HDD最短距離. 之後好似下圖咁摺埋線.再塞入去HDD下面.呢個都係我習慣將HDD放起最底既原因.可以隱藏到d線 之後將GX500既前面板風扇轉速控制器既大四Pin搵出黎並穿過去放去前面 將帶有sata電源線同大四Pin線搵出黎.並且同樣由最底既洞穿返去前面 將sata電源線插左去dvd機後.再將機箱轉速控制器插去火牛大四Pin 將d線塞哂起機頂同5.25吋之間既喇位.呢個就係我習慣將dvd機放上去最頂既5.25吋既原因.用黎隱藏d線 之後開到sata線.可以由GX500下面既支柱位圍1-2個圈 因為GX500冇開MATX既走線洞關係.所以要由底板同機箱之間既喇位穿過去.如果由ATX既洞走過去.會好大條線露出黎 DVD就由最頂既位走返去機背.同樣由喇位插返 可以用索帶搏住d亂既線 到插Display Card.可以利用Display card既喇位黎放audio 線.其實一般唔使.係呢塊底板起呢個位先要咁 大致上係咁 未來會不定期再更新唔同機箱既走線.再講多次 我走線未必係走得最好.都未必走得最完整 但應該都滿足到一般人.完美主義者既話.我只能對你講.走啦.我唔想搞大佢