Corsair Obsidian 450D 機箱走線

今次係悠二電腦硬件砌機解說站第四篇機箱走線心得分享.連續兩日發文.都開始打文打上癮 今日有d新諗法就係.應唔應該未來做下D產品評測.不過因為工作既關係.可能都做唔到咁多野.而家真係好忙 簡短講兩三句Corsair 450D既感想 450D係一隻散熱良好既機箱.但係就非常吸塵.所以會建議針對前面兩把扇加d隔塵網咁.同埋450D鋼水其實較為一般.不過整體都算係唔錯既機箱. OK入正題 咁首先睇下機箱內部.火牛一如概往由下面出返.其實隻隻都係咁 呢度唔好上住火牛螺絲先.因為留返d位一陣走HD Audio線 都係高階箱.所以CPU 8 Pin位係起底板上面.唔洗壓住 將條cpu 8pin線.放起條喇位到 之後將24PIN線由最上既位出返去.同埋起下面用索帶索住.同時.USB 3.0線由中間走返出去插.拉直條線.起圖中既下面用索帶索住 岩岩唔上住火牛螺絲係因為.條HD Audio要由呢個位出返去.呢個方法係要推開隻火牛的.如果你上左螺絲.係推唔開的 用火牛夾住條線 咁上返d螺絲 同時可以用索帶索住HD Audio同CPU 8Pin線.令到CPU 8Pin線冇咁易飛出黎 Jumper線由呢個位出返黎.可以一次過用索帶起呢個位索住全部線 暫時係咁 前面下面個把扇可以由24Pin線既後面.穿過去.再圍返幾個圈縮短條線.由下面個位出返去 可以將條線拉去火牛同機箱板既喇位.隱藏d線 到上面個把.可以用索帶索住起呢個位.咁就唔會起下面個空位見到條線.再拉返去過去圍幾個圈出返去 到Sata電源線.由24 Pin線後面出去.姐係用24pin壓住佢 用最近個個sata電源位插住HDD.450D HDD架下面有位可以隱藏d多餘既線 插埋SSD 整個SATA電源線插HDD同SSD既部份就係咁 HDD既SATA線就圈幾個圈.可以起下面圍兩三個.上面再圍一個.利用sata線執齊d線 SSD都係一樣.附近有得圍就圍住.執齊d線 機箱後面個圈可以用CPU Cooler黎隱藏.由Cooler底部圍幾個圈再插 Display Card PCI-E線一樣由最近既位走出黎.冇乜特別 可以用索帶.索一索住條PCI-E線 整體就係咁.其實唔難.祝各位砌機愉快

Fractal Design Define S 機箱走線

今次係悠二電腦硬件砌機解說站第三篇機箱走線心得.今次係Fractal Design Define S 呢隻機箱空間充足.所以好易走.另外呢隻機箱整體非常唔錯.都推薦用佢 首先睇下機箱內部.可以見到空間好大.d HDD / SSD架都放哂起後面. 同埋時間既關係已經裝左火牛.呢部機都算係高階機.用Corsair 全模組RM650X.呢隻牛非常推薦 Define S因為空間大.所以CPU 8pin位係起底板上面.咁就唔使用底板壓住佢.都易走好多 CPU 8Pin線可以用索帶呢個位索住佢.下面就魔術貼 底板24Pin線冇乜特別,由上面個位穿返出去插底板.USB 3.0線可以起呢個位整個U型彎返出去插 HDAudio線可以起SSD位上面拉過去CPU 8Pin線.再圍返幾個圈落去.可以見到下面有個小洞.穿出去.大多數底板都可以 Jumper線可以圍住條USB 3.0線幾個圈落去出返去 HDAudio同Jumper就咁先 前面個把風扇.可以起呢度拉直去.圍返一兩個圈出返去插底板 暫時既線係咁 到左放HDD.一如概往.我會將HDD放起最底.一樣可以用黎隱藏d線,sata電源線可以一次過插哂HDD 同SSD SATA線.一樣圍返幾個圈出去插底板 機背個把風扇.可以由d塔式散熱器既底部轉返幾個圈再插.咁樣基本上睇唔條線. Display Card PCI-E線由呢個位出返黎.冇乜特別.後面一樣冇乜特別.搵d線壓住d PCI-E線就OK 成部機就咁 Define S 真係好易砌.好易走線.所以都冇乜特別好講其實.祝各位砌機愉快

Sharkoon DG7000 機箱走線

今次係悠二電腦硬件砌機解說站第二篇機箱走線心得分享.Sharkoon DG7000呢款新機箱.近期悠二好多List都轉用左佢.一來鋼水.二來散熱好.有三把14CM扇.三來足隔塵網.只係賣450蚊.真係幾抵玩 唔多廢話.直接入主題.因為唔係教你砌機而係講上悠二我對機箱既走線分享,所以步驟可能係會有大跳躍 首先睇下機箱既背部.Sharkoon DG7000前面有個罩.所以火牛要由後面放入去   之後CPU Pin線都係由左上角入去架啦.呢隻機箱較易.因為個CPU Pin線唔同一般機箱.佢係放左起底板既上方.所以唔使壓住條線都可以走到線.之後再跟手上哂螺絲     DG7000條CPU Pin線可以好易隱藏到.直接將條線塞落去條喇位就可以.因為都有d銅柱會卡一卡住佢.所以唔怕佢飛出黎 之後如果你好似係今次較為細型既MicroATX.可以直接由機箱散熱背蓋位條喇走出黎.如果你塊底板係大少少係唔可以由呢度入黎的.正常係要由下面呢張圖右面條喇位黎出的.不過其實好多ATX機箱都可以玩呢招偷位.所以大家都可以試試 可以起呢個位用索帶搏住佢 由於DG7000冇開MicroATX走線孔.雖然你可以由個火牛罩下方既洞穿返上黎.但呢個做法正常係俾ATX板用的.如果MATX底板用既話.會有好長既線.所以我起呢度會教你另一種做法.可以見到底板同機箱之間.會有銅柱位會隔塵.可以利用呢個空隙黎穿D線過去.就好似下圖咁 audio線可以咁樣走入去   jumper線可以對條24Pin圍幾個圈再放入去 USB 3.0.Audio.Jumper線暫時咁樣玩住先 其實呢度我唔記得左插條USB 2.0線.而家補返 裝完SSD個d.插返d電源線先.照樣同上篇gx500插法一樣.搵最短距離既插頭插落去第一個裝置.d線可以放落去3.5 HDD位底部 再插埋DVD Writer   sata電源線就咁先 鬆開dg7000機箱風扇線d鐵線(砌機砌到手套都穿埋:o) 之後將前面所有大四Pin插頭既線用索帶搏住起呢個位 一樣放哂去3.5吋HDD位底部.乜都睇唔到   sata線圍住d線再拉返去上面.正常如果ATX板可以圍多幾個圈.拎最短距離插去底部.但如果好似我matx既話.唯有咁樣. 正常應該係起右面條喇位走出黎的.但呢塊MATX走個到既話.會有好長既線show出黎.所以走上面.   DVD Writer SATA線一樣啦   Display Card PCI-E線都係由呢個位走出黎.冇乜特別 最後既完成圖   DG7000要走線走得好係唔算易.因為同正常機箱既走線洞既位置係唔一樣.DG7000如果返ATX板既話.相信會易玩好多 暫時係咁.循例講返句 我走線未必係走得最好.都未必走得最完整 但應該都滿足到一般人.完美主義者既話.我只能對你講.走啦.我唔想搞大佢

Antec GX500 機箱走線

今次GX500係悠二電腦硬件砌機解說站第一篇走線分享.可能未必做得好.但悠二我盡量啦.希望各位砌機砌得開心. 另外因為只係分享不同機箱既走線.而唔係砌機教學.所以步驟可能有d大跳躍. GX500雖然唔係而家市場上最新款既機箱.但其實GX500其實算係較為易走線.因為走線孔都開得幾足下.所以對走線唔熟悉既.都可以玩下.另外GX500功能性都幾高.有埋轉速控制器.而且送三把扇.400蚊樓下機箱.都可以諗諗佢 咁首先睇下機箱內部.同埋時間既關係我已經裝左火牛.都可以見到火牛既線已經係起哂下面個洞穿哂過去 之後要走既線係將CPU 8PIN線由機箱後面穿上過黎.呢個洞都係為左呢條線用 裝底板個時.壓住條CPU Pin線就OK 同埋如果底板只係需要4pin線既話.另外一條4pin線最好屈住唔好俾佢伸出黎.因為好易hi到機頂把扇 之後將底板24Pin由最上個個洞走出黎插去底板 機背既話可以用索帶起下面條柱搏住24pin 條CPU Pin都可以用索帶起下面搏住 之後將前面板既USB 3.0 , Jumper線,audio搵出黎.分開 再根據你塊板黎插.一般黎講.usb3.0其實係起右邊24pin下面的.不過呢塊板放下面唯有咁樣先 再去返機背用索帶搏住起呢個位 通常我自己習慣將HDD放起d HDD架下面.一陣會講原因 通常我自己習慣將DVD機放最頂既5.25吋架.同樣一陣會講原因 GX500既話.正面有兩舊白色野.其實係螺絲.但唔好信哂.上實左都係冇乜力的.所以上完呢邊之後.都要去後面再上螺絲. 之後將火牛sata電源線拎出黎.我自己習慣拎最入個個插頭插HDD.咁樣會拎到火牛同HDD最短距離. 之後好似下圖咁摺埋線.再塞入去HDD下面.呢個都係我習慣將HDD放起最底既原因.可以隱藏到d線 之後將GX500既前面板風扇轉速控制器既大四Pin搵出黎並穿過去放去前面 將帶有sata電源線同大四Pin線搵出黎.並且同樣由最底既洞穿返去前面 將sata電源線插左去dvd機後.再將機箱轉速控制器插去火牛大四Pin 將d線塞哂起機頂同5.25吋之間既喇位.呢個就係我習慣將dvd機放上去最頂既5.25吋既原因.用黎隱藏d線 之後開到sata線.可以由GX500下面既支柱位圍1-2個圈 因為GX500冇開MATX既走線洞關係.所以要由底板同機箱之間既喇位穿過去.如果由ATX既洞走過去.會好大條線露出黎 DVD就由最頂既位走返去機背.同樣由喇位插返 可以用索帶搏住d亂既線 到插Display Card.可以利用Display card既喇位黎放audio 線.其實一般唔使.係呢塊底板起呢個位先要咁 大致上係咁 未來會不定期再更新唔同機箱既走線.再講多次 我走線未必係走得最好.都未必走得最完整 但應該都滿足到一般人.完美主義者既話.我只能對你講.走啦.我唔想搞大佢
Bitnami